الاحقاف
05-01-2010, 02:02 AM
بنت البدو اوبريت قديم جدا وهو قبل ابريت عدنا إلى العادات / بنت القبايل م/ المصير المحتوم
والتوبه/ وحسنه وكلها ابريتات جميله ابدعوا فيها وفعلا جايه من الواقع الحضرمي وعالجو بها قضايا
كثيره واليوم طلع في بالي ان انقل لكم ما احفظه من اوبريت بنت البدو وهذا الابريت رايع كأنك تتبع
فلم مش كاسيت ! واحداثه تدور عن عادات الزواج عند القبايل وطرق العلاج والتعليم تبدا الراعيه بنت
البدو بالغنأ وهي ترعى اغنامها على صوت بدوي جميل وتقول
اشعابنا خضرت في كل وادي خضيره يافرحت البدو حلان الصروم
بايسمنين النشر في ظرف مده قصيره ذا خير من ربنا الله يدوم
ثم ياتي ولد حضري عطشان ويبدا الحديث .......... ياراعيه .. ياراعيه
الراعيه/ ياه من يدعي
الحضري/ انا لي دعاش
الراعيه / وش مني تريده
الحضري / شربة قتلني العطاش
الراعيه / تخب بين الغنم والكباش
الحضري/ ليه
الراعيه / عيب لوحد هنا شافك ناضر وفاش
الراعيه / هاه رويت
الحضري/ رويت من ماش وضماني صباش وشل عقلي جمالش لي ظهر من خباش
الراعيه / قصر كلامك وسر من قبل تعدم بلاش لو بوي شافك هنا خلا عظامك طشاش
الحضري/القلب اعمى يابنت البدو يبا إلا حماش بس عاهديني عطيني على المحبه ولاش
الراعيه / خذ عهد مني
الحضري/ وذا عهدي وقلبي فداش باروح الآن من والدش باطلب يداش وعسى يتم القا وحضى
بطيبة نقاش..................................
الام / غريب ضايع لونه حضيري
ألأب / حضيري وحد في الحضر شاجع يخرج لوحده والليل طال
الحضري / السلام عليكم
ألأب / وعليكم السلام قدم ارحب عندنا الصرم واسع وهذا بني عسكري جا في إجازه وراجع
ولا وصلك دورك لاكنت خايف وفاسع
الحضري / شكراً ياعم احسنت لمى كنت صانع لاكن انا جيتك وفي رضاك طامع
ألأب / وفي رضاي طامع وضح الأمر سابق
الحضري / جيتك اطلب يد بنتك
ألأب / رح من هنا ياثعل سايب حنا قبايل لنا عادات ولنا طبايع ما نزوج بناتنا حضيري ولو كان
دافع مال قارون مينال ألأصابع طش من هنا قبل ماترديك هذه المطامع
ألحضري/ ياعم لافين اروح والقلب داخل صرومك وفي مجيي إليك لاقيت ياكم وكم
ماجيت باهوشها اوقلت حاجه تلومك جيت من باب طيب بالمروه وبالزين
والبنت رضيت سمح ورضاك الله يدومه خلي عنادك ولا داعي تقع بين لثنين
ألأب / وقلي وين شفتها ياقليل الادب وصط المراعي ولا يوم تقطع حطب هذه فضيحه وهذا عار
حمله صعب ما با يغسله غير دمك من صميم النسب
الابن العسكري / ياوالد ناضر كلامي لايخذك الغضب بنتك شريفه وهذا الشاب صافي الطلب
وكل ماجرى بينهم مافيه ادنى عتب
ألأب / حليت عند الحضر دمك برد في العصب حتى سهل في مرامك امر هذا الخطب مابرضى
بالهوينه لو عطوني ذهب بنتي لبن عمها كانه رضي او غلب
ألأبن / تغير الوقت يابا والزمان انقلب والعهد ثوري زمان الجهل ولى وهب
واليوم قانون وضح كل ماكان غب الراي للبنت تقبل او ترد الطلب
عهد الاخا والتسامح قد محينا السبب اهدافنا واحده اولاد اماً واب
ذلا العدا فرقوا مابين جملة عرب باعوا بنا واشتروا فينا مثيل الجلب
ألأب / والله كلامك صدق يابني مافيه غب !!!!! الراي للبنت تقبل او ترد الطلب
تكلمي يابنيه اليوم رآيش وجب كل ماتشوفيه انتي عندنا له ملب
الراعيه/ إذا قد رضيتوا انا قلبي هويه وحب ورضيت باشاركه في راحته والتعب
ألأب / دعو لنا القاضي عجلوا في المهب وعسى يتم القى
ألأم / وعيظه لكم في الخيب
تمت وبالخير عمت كل مبعد قرب== تمت وبالخير عمت كل مبعدقرب
................... هذا هو المقطع الاول باقي طرق العلاج والتعليم وعادات الملبس
إذا عجبتكم مستعد اكمل البا قي ترى راسي ملان منتضر الرد ....... اخوكم ابو عمود ألأحقاف
تكملة الجزى الثاني من اوبريت
الاب / كتبوا ولاتتركونا منكم في شغب وعسى عيش الهنا
الام / وعاظه لكم في الخيب
........ وبعد مده
الراعي / ياعم ! ياعم!....... الصهاره جو بايودون الزياره
الاب / يا خير والله من بشاره
الام / يامرحبا باحبابنا لي شرفونا بالزياره == طابت لكم اشواقنا وعيوننا تمسي حياره
الراعيه/ عنتم هلا وسط الخلا في عيشيه ووحدة قساوه
حتى المرض في صرمكم ماله دوا ولا وقايه
الام / ايش غيرك يابنتنا على البس ودلول البداوه== راحت معك متحشمه بالبس ومن خير العذارا
حتى الخرص من اذنها زقلتبهن بعد الحراوه == قل منها ذاك الحيا والوجه ما فوقه ستارره
الحضري / هذا الكسى ملبوسنا اهل التمدن والحضاره= يحكي رشاقة فننا وتراث جسدنا شعاره
والمرأه تلعب دورها في مجتمعنا عن جذاره== وكاتبه في صفنا او عامله وسط الاداره
عهد العمل والعهد جا زاح التخلف والغباره== نزلوا المدينه عندنا تلقون في العيشه هناوه
ألأم / مابانفارق صرمنا حتى ولو عطونا تجاره
ألأب / وابلنا واغنامنا للجوع بيصبحن قرابه== هل شي عمل بلحق انا في مؤسسه اوفي وزاره
الحضري/ ايوه نعم يابدونا واسع لكم حقل الزراعه = عندك مزارع ريفنا في المزرعه شاعت خباره
ينتج وعايش في هنا واغنامهم ترعى الخضاره== ياالله عزمنا كلنا نبني يمننا بالحضاره
لبوا ندا تنضيمنا ونفذوا مافي قراره=== عهد العمل والعلم جا زاح التخلف والغباره
.......... ألأب / والله صد ق هب مننا هم واجد وعيالنا يدرسو
الام / والخير زايد
النهايه في صوت جماعي
عهد العمل والعلم جا زاح التخلف والغباره==ياالله عزمنا كلنا نبني يمننا بالحضاره
طبعاً فيه ابيات ناقصه والسموحه هذا إ لي عادنا احفظه من الوبريت
اخواني انا مانقلت لكم الاوبريت الا بعد ان شفت الابوريتات التي وضعتها في منتدى قبل منتدانا الحبيب وهو منتدى اخر ولاحضت ان الابريتات انتقلت الى منتديات ثانيه بنفس الاخطاء الاملايه التي وردت مني ولاكن بينت لي انها من مشاركاتي
والتوبه/ وحسنه وكلها ابريتات جميله ابدعوا فيها وفعلا جايه من الواقع الحضرمي وعالجو بها قضايا
كثيره واليوم طلع في بالي ان انقل لكم ما احفظه من اوبريت بنت البدو وهذا الابريت رايع كأنك تتبع
فلم مش كاسيت ! واحداثه تدور عن عادات الزواج عند القبايل وطرق العلاج والتعليم تبدا الراعيه بنت
البدو بالغنأ وهي ترعى اغنامها على صوت بدوي جميل وتقول
اشعابنا خضرت في كل وادي خضيره يافرحت البدو حلان الصروم
بايسمنين النشر في ظرف مده قصيره ذا خير من ربنا الله يدوم
ثم ياتي ولد حضري عطشان ويبدا الحديث .......... ياراعيه .. ياراعيه
الراعيه/ ياه من يدعي
الحضري/ انا لي دعاش
الراعيه / وش مني تريده
الحضري / شربة قتلني العطاش
الراعيه / تخب بين الغنم والكباش
الحضري/ ليه
الراعيه / عيب لوحد هنا شافك ناضر وفاش
الراعيه / هاه رويت
الحضري/ رويت من ماش وضماني صباش وشل عقلي جمالش لي ظهر من خباش
الراعيه / قصر كلامك وسر من قبل تعدم بلاش لو بوي شافك هنا خلا عظامك طشاش
الحضري/القلب اعمى يابنت البدو يبا إلا حماش بس عاهديني عطيني على المحبه ولاش
الراعيه / خذ عهد مني
الحضري/ وذا عهدي وقلبي فداش باروح الآن من والدش باطلب يداش وعسى يتم القا وحضى
بطيبة نقاش..................................
الام / غريب ضايع لونه حضيري
ألأب / حضيري وحد في الحضر شاجع يخرج لوحده والليل طال
الحضري / السلام عليكم
ألأب / وعليكم السلام قدم ارحب عندنا الصرم واسع وهذا بني عسكري جا في إجازه وراجع
ولا وصلك دورك لاكنت خايف وفاسع
الحضري / شكراً ياعم احسنت لمى كنت صانع لاكن انا جيتك وفي رضاك طامع
ألأب / وفي رضاي طامع وضح الأمر سابق
الحضري / جيتك اطلب يد بنتك
ألأب / رح من هنا ياثعل سايب حنا قبايل لنا عادات ولنا طبايع ما نزوج بناتنا حضيري ولو كان
دافع مال قارون مينال ألأصابع طش من هنا قبل ماترديك هذه المطامع
ألحضري/ ياعم لافين اروح والقلب داخل صرومك وفي مجيي إليك لاقيت ياكم وكم
ماجيت باهوشها اوقلت حاجه تلومك جيت من باب طيب بالمروه وبالزين
والبنت رضيت سمح ورضاك الله يدومه خلي عنادك ولا داعي تقع بين لثنين
ألأب / وقلي وين شفتها ياقليل الادب وصط المراعي ولا يوم تقطع حطب هذه فضيحه وهذا عار
حمله صعب ما با يغسله غير دمك من صميم النسب
الابن العسكري / ياوالد ناضر كلامي لايخذك الغضب بنتك شريفه وهذا الشاب صافي الطلب
وكل ماجرى بينهم مافيه ادنى عتب
ألأب / حليت عند الحضر دمك برد في العصب حتى سهل في مرامك امر هذا الخطب مابرضى
بالهوينه لو عطوني ذهب بنتي لبن عمها كانه رضي او غلب
ألأبن / تغير الوقت يابا والزمان انقلب والعهد ثوري زمان الجهل ولى وهب
واليوم قانون وضح كل ماكان غب الراي للبنت تقبل او ترد الطلب
عهد الاخا والتسامح قد محينا السبب اهدافنا واحده اولاد اماً واب
ذلا العدا فرقوا مابين جملة عرب باعوا بنا واشتروا فينا مثيل الجلب
ألأب / والله كلامك صدق يابني مافيه غب !!!!! الراي للبنت تقبل او ترد الطلب
تكلمي يابنيه اليوم رآيش وجب كل ماتشوفيه انتي عندنا له ملب
الراعيه/ إذا قد رضيتوا انا قلبي هويه وحب ورضيت باشاركه في راحته والتعب
ألأب / دعو لنا القاضي عجلوا في المهب وعسى يتم القى
ألأم / وعيظه لكم في الخيب
تمت وبالخير عمت كل مبعد قرب== تمت وبالخير عمت كل مبعدقرب
................... هذا هو المقطع الاول باقي طرق العلاج والتعليم وعادات الملبس
إذا عجبتكم مستعد اكمل البا قي ترى راسي ملان منتضر الرد ....... اخوكم ابو عمود ألأحقاف
تكملة الجزى الثاني من اوبريت
الاب / كتبوا ولاتتركونا منكم في شغب وعسى عيش الهنا
الام / وعاظه لكم في الخيب
........ وبعد مده
الراعي / ياعم ! ياعم!....... الصهاره جو بايودون الزياره
الاب / يا خير والله من بشاره
الام / يامرحبا باحبابنا لي شرفونا بالزياره == طابت لكم اشواقنا وعيوننا تمسي حياره
الراعيه/ عنتم هلا وسط الخلا في عيشيه ووحدة قساوه
حتى المرض في صرمكم ماله دوا ولا وقايه
الام / ايش غيرك يابنتنا على البس ودلول البداوه== راحت معك متحشمه بالبس ومن خير العذارا
حتى الخرص من اذنها زقلتبهن بعد الحراوه == قل منها ذاك الحيا والوجه ما فوقه ستارره
الحضري / هذا الكسى ملبوسنا اهل التمدن والحضاره= يحكي رشاقة فننا وتراث جسدنا شعاره
والمرأه تلعب دورها في مجتمعنا عن جذاره== وكاتبه في صفنا او عامله وسط الاداره
عهد العمل والعهد جا زاح التخلف والغباره== نزلوا المدينه عندنا تلقون في العيشه هناوه
ألأم / مابانفارق صرمنا حتى ولو عطونا تجاره
ألأب / وابلنا واغنامنا للجوع بيصبحن قرابه== هل شي عمل بلحق انا في مؤسسه اوفي وزاره
الحضري/ ايوه نعم يابدونا واسع لكم حقل الزراعه = عندك مزارع ريفنا في المزرعه شاعت خباره
ينتج وعايش في هنا واغنامهم ترعى الخضاره== ياالله عزمنا كلنا نبني يمننا بالحضاره
لبوا ندا تنضيمنا ونفذوا مافي قراره=== عهد العمل والعلم جا زاح التخلف والغباره
.......... ألأب / والله صد ق هب مننا هم واجد وعيالنا يدرسو
الام / والخير زايد
النهايه في صوت جماعي
عهد العمل والعلم جا زاح التخلف والغباره==ياالله عزمنا كلنا نبني يمننا بالحضاره
طبعاً فيه ابيات ناقصه والسموحه هذا إ لي عادنا احفظه من الوبريت
اخواني انا مانقلت لكم الاوبريت الا بعد ان شفت الابوريتات التي وضعتها في منتدى قبل منتدانا الحبيب وهو منتدى اخر ولاحضت ان الابريتات انتقلت الى منتديات ثانيه بنفس الاخطاء الاملايه التي وردت مني ولاكن بينت لي انها من مشاركاتي