قصص ونوادر من قيــدون

[الاحقاف]

بسم الله الرحمن الرحيم
الشيخ بن حسن باداهيه العمودي اشتهر بالعلم والذكاء الخارق والحكمه والفطنه ومن قصصه حبيت ان اطرح لكم هذه القصه التي حصلت في احد قرى وادي دوعن بوادي عمد وكان وقتها بن حسن في دار المقدم بوادي عمد وكان مقدم الوادي طلب من احدى القبايل ان يتحدوا مع بعض في خير او شر
وكانت القبيليتين بينهم مسافه تبعد كل واحدة عن الاخرى المهم اتفقوا وبعد انها العقد الي بينهم طلب المقدم من بن حسن ان ياتيهم بقصه من قصصه خاصه وان بن حسن معروف مايتفوت كلامه عند اهل الوادي ويحبون ان يسمعوا منه ! بدى بن حسن في قصه فيها من الحكم وبدى يقول للمقدم والحاضريين
كان فيه ثلاثه انفار خرجوا للصيد وبعد تعب شديد امسكو وعل المهم ذبحوه وعليهم بالخير ومن كثر التعب الي لآقاهم قال اثنين منهم احنا بنام وانته يالثالث احرس الحم وان شي سبع اوشي حصل اثنا نومنا اعطنا صوت ناموا الاثنين وقام الثالث الي هو صاحي باخفأ الحم وبعد حولي الساعه قام الاثنين من النوم !!! سأل الاول الثاني ويش حلمت قال حلمت اني صعدت الى السماء السابعه وسأل الثاني الاول الثاني وانت قال انا حلمت اني اهوي في سابع ارض وسأل الاثنين معا الثالث وانته وش شفت غير ماشفت شي وحنا نيام !! قال ياجماعه جى سبع كبير واكل الحم قالوا كيف ليش مادعيت علينا بن حضر عندك قال والله لين تعبت وانا ادعي لاكن ماحد سمعنا انته في سابع سما وانته الآخر في سابع ارض وياغافل لك الله !!!!!!!!!!
سمع المقادمه كلام بن حسن وحسو ان باداهيه على صواب فالمغزى في قصته انه لو هجمت قبيله اخرى على احد القبايل المتعاهده بيدمروها والقبيله الثانيه اراضيهه بعيده ولعاد بتحضرعندهم إلا وقد:) فات الاوآن

[الاحقاف]

اضيف لكم قصه من قصصه قبل الزحمه لان قصصه ماتتفوت
كان الشيبان مجموعين على كريف عبدالوهاب والكريف معرف جاهم واحد من قدى بضه يجيب شي يعور كذب ماحد يتوقعه ومن عادات الشيبان الاذكيا مايقول لشخص كذب لا كن يجيب وحده اكبر منها قال صاحبنا الي من بضه وصاحب بضه حسب ماسمعت ان خواله من قيدون قال خرجت يوم الى حوض حجوه إلا وحصل عزر صيد المهم شوي شوي لين جمعتهن ودخلتهن بيت الحجل وحطيت عليهن شخره وطربت في اهل قيدون وقلتلهم ياجماعه الصيد في البيت والحسف مانبغاه كل يوم شلوا راس ولقو زامل لين يخلصن
قاله بن حسن سوى صدقت وبدى بن حسن يقول وانا مره صارت لي قصه !!! قاله صاحبنا هت لي عندك يابودهي
قال مره معي خاتم من واحد عزيز وغالي علي يعني مايقدر بثمن وكنت استقي الماء من الكريف شوي إلا ويصقط الخاتم في قاع الكريف قال الاخ طيب وش سويت قاله بن حسن معاد معي الا حبلت الماء وبرحته فوق المطاف لين بانت القاع واخذت الخاتم!!! من عجلت صاحبنا قال لبن واه ياخال الماء يحتبل
رد عليه بن حسن بسرعه وقاله يابن مك كمى الصيد الي حجيته في بيت الحجل وحطيت عليه سخره


يافارسنا ترجم ان فهم فهم وان ماحد فهم الباقي عليك معاد في حيل ههههههههههههههههههه:d

[فارس قيدون]

والله انا قعدت اضحك وخفت اموت من الضحك والله حكايات اهل زمــان كلها عبر وحكم وتسلية .
وعادنا بغينــا حكايات الشيبــة .. عبدالله سعيد باقلعــة .. الله يغفرلة ويرحمة .

اما الترجمة إذا حد طلبها بنقوم بالترجمة .

لمغزى القصص قمنأ بتثبيتة ...

[الاحقاف]

ههههههههههههه الله يجل ايامك كلها بصط وانشراح وعلى طلبك تبي قصه من قصص الشيخ عبدالله سعيد باداهيه الملقب باقلعه اليك هذي القصه وهي مقاربه لقصه بن حسن بس احلى قويه مره وفيها واحد برضه يجيب شي يعور خطى صاحب بضه لاكنه حصل عبدالله سعيد قدامه
يقول صاحبنا مره ابوه جاب كبش من كباش النجود ومن كبرة وكبر الذيله حقه وهم خارجيين وادي دوعن نشبت الذيله حقه بين واديين ياساتر استر حتى قطعوا من اطرافها لين نزل الوادي بسلامه الله ووصلوا بلاد الشيخ !!!!!قاله عبدالله سعيد سوى وتبسم !! ونا مره حصلت لي قصه
قال عبدالله سعيد مره ابوي ارسلنا طست كبير مره من جاوه وبعد كم شهر صار ثقب في القدر طلبنا كل الحدد الي بالعرسمه وكلهم جاو في داخل القدر وتصدق انك ماتسمع الداعي من المستجيب من كبره والواحد لوكان يبغى مطرقه من صاحبه يمشي ثلاث ايام في قاع القدر تصدق !!!! صاحبنا ستعجل وهذا الي يبغاه جدنا عبدالله قال للشيخ وآه وآه ياعبدالله ايه من قدرذا هت شي يستاكل !ثلاث ايام في قاعته وماتسمع الداعي من المستجيب!!
رد عليه باقلعه وقاله بغيت الصدق مابيشل كبش ابوك الا قدر ابوي!!!!!!!!!!!!!

بس انتبه تنفرت كبدك من الضحك ههههههههههههههه

[عاشقة قيدون]

ياطم اهل زمان ,,,,كانت نفوسهم صافية
وسرعة البديهة ماتفارقهم
قصص ولا اروع ,,,,,, وحق الشيخ باقلعة مرة ضحكتني كانت قوية

[فارس قيدون]

الله يبسطك والله زمان ماضحكنا من داخلنا مشكور .

[أبو بدر]

هههههههههههههههههههههههههههه
هههههههههههههههه
ههههههه
أعتقد انك يا الاحقاف مع طول الزمن بتتعدا المشايخ الباداهيه

مشكوووووووووووووووور على كل شئ

[الاحقاف]

حياك الله ابو بدر والله اسعدني مرورك واعضاء المنتدى ميهينون لآكن وين احنى وهم وين كانو اهل سلى بالرغم انهم كانوا في قل بس كل شي عندهم بالسماحه

[الاحقاف]

وهذي قصة باطوق الملقب ببن كزمه كثير منهم ينسبها الى بادهيه لاكن الاصل هي قصة باطوق
تعرفون اهل قيدون ومعروفين عند اهل الوادي بحب المزح والدعابه بس اول كان مافي احد يزعل الجيد يرد المقلب بمقلب آخر وعلى سبيل البصط والانشراح هذي القصه حق باطوق!!!!تقول القصه
كان فيه ثلاثه مجلبين اي بايعيين اغنام وكان مقصدهم قيدون ليطلبوا رزقهم فيها وبينما هم في مدخل البلاد مقابل السويدا سألوا احدى الاشخاص عن صبي البلاد وكان الشخص يبغى يضحك دلهم على باطوق وقالهم هو ذاك الي يحرث الارض دعى احد الثلاثه ياصبي البلاد ياصبي بلاد الشيخ قالهم مرحبى قالوا اليوم قاصدينك قالهم حيى وسهلا ومرحبا قدموا ارحبو يالله ضوينا الدار المهم اخذهم الى البيت والمسكين يبغى شي في بيته إلا والدار مسجد يعني خاليه من الاكل مافيها الاتمر وبس المهم قدم لهم الماجود وخرج الوصر وذبح واحد من روس الاغنام حقهم واخذ جزى منه وقدمه للجيران من شان يعطوه بدله حب جاب الذرة واعطاه العجوز حقه وقالها طحنيه ونا بضبي اللحم للضيوف المهم قدملهم الاكل وتعشى معهم وخرج بينام وبينما هو خارج سمع الجماعه يقولون وش ذا الكرم ياذا الرجال في ذاالصبي قال صاحبه ذا صبي بلاد الشيخ الصبيان ماهم عينه كلهم!!!! باطوق راح ينام من شان باكر معه شغل في الارض حقه المهم بكر قبلهم وكلم العجوز حقه وقالها اذا سألوا علي الجماعه قولي لهم مكان ماحصلتوه امس بتحصلوه اليوم ومن عادة المجلبين انهم يعدوا اغنامهم وقت خروجها من محل اقامتهم عدو الا والاغنام ناقص واحد منها عدو مره اخرى نفس الشي وبعديين دعا احدهم يااهل الدار وين الصبي شرفت العجوز حقه وقالتلهم ياوجوه الخير بتحصلوه مكان امس سرح بعد الفجر قدامكم سرحوا القبايل لين عند باطوق وقالوا له ياصبي انت اكرمتنا ولاجات منك قصور بس راس من اغنامنا ناقص ونبغاك تبينه قالهم ياجماعه حقكم معكم المهم وهم وياه في خذها هتها لين اشار واحد منهم انهم يحتكمون عند الشيخ بدر في مصنعة صيف وافق باطوق على شرط انه يروح البيت يجيب الجنبيه حقه ويغير لبسه لانه هاذا لبس العمل ومايصير صبي بلاد الشيخ يقبل على المنصب بدر وهو بالحاله هذي الجماعه ماودهم يتاخرو قال واحد منهم ان كان على الجنبيه هذي جنبيتي وقال الثاني وهذا الفوطه حقي لبسها وقال الثالث وهذي السباعيه خلصنا بس والجماعه البن كند ماهم عارفيين ان لي قدامهم باطوق راحوا الى صيف عند الشيخ بدر وهم ياغافل لك الله حين مادخلوا على الشيخ بدر الاوالشيخ بدر يتبسم قالهم وش معكم ياقبايل تكلموا تكلم واحد منهم وجاب القصه من بدايتها ثم التفت الى بن كزمه باطوق وقاله وانته وش تقول في كلام الجماعه قاله باطوق ياشيخ انا مسكين وشف الجماعه دعوجيه يندعون باي شي علي قاله كيف قاله اسمع وانته تشوف شف واحد منهم الحين بيقول الجنبيه حقي !!! قال بن كند ايه حقي ؟ وصبر عادك والثاني بيقول الفوطه حقي عطى عزوه الثاني وعادك الحين الثالث بيقول السباعيه حقي اعتزا الثالث قال نعم حقي وهم في الحقيقه صادقيين !!!! رد باطوق بسرعه للشيخ وقال وش رايك ياشيخ الجماعه حصلونا عريان حتى البس الي علي اندعو انه حقهم قالهم الشيخ كم حق الراس وانفجرالشيخ بدر من الضحك معاد تحمل نفسه من مقلب باطوق لو ان الجماعه يطالعون الى انفسهم وحلفوا يمين ثقيل انهم ماياخذوا قرش واحد قالوا ياشيخ والله افتكرناه صبي وهو متكلم قالهم حصل خير واليوم مالكم فكه نتغدى سوى وبعديين الله معاكم:d

[فارس قيدون]

الله يسعدك ،،،

[ولد البلد]

رائع أخي العزيزالأحقاف

أشكرك على الأسلوب الجميل في السرد ومراعات دقة الوقائع

وتحمل عناء الكتابه

بجد كثير ما أسمع من الأضافات واسلوب الطرح الذي يفتقر الى الألمام بالموضوع

مما يفقدها رونقها ويخل بامانة النقل والتوثيق

ولا أجامل لو قلت انك يا أخي العزيز كفيت وأوفيت على

حسب ماوصلني حسب ما أجمعوا عليه الأكثريه

لك جزيل الشكر والتقدير على أهتمامك

ودمت بود

[الاحقاف]

مشكور ولد البلد وهذا من ذوقك وان دل فأنما يدل على طيبك وتواضعك فكلنا يكمل بعضه الآخر واعذرني قد يكون ماعبرت بالوجه المطلوب. اسعدني مرورك ولك كل التحيه والاحنرام

[الاحقاف]

سحللها كمى حصاة سليم
في يوم من الايام خرج عبدالله سعيد باداهيه ومعه العبد حقه ايام العبوديه وكان معهم علب ينضفوه من الاغصان اليابسه والعلب هو شجرة السدر المهم إلا والشيخ شاف واحد وهو يعرفه من القبايل متجزع الطريق في رحبة دوعون المهم دعى من العبد وقاله ان خليت القبيلي يعبر عليك عمرك اليوم وفهم العبد تمام وش يسوي وراح باداهيه اختبى ورى العلب من شان مايشوفه الرجل وصل صاحبنا اعترضه العبد وقاله مالك طريق سيدي وصانا حاول معه القبيلي مافي فايده العبد طلعت في رآسه والقبيلي كان عابر طريق ولاهو مستلب ببدق اوشي ثاني الوادي امان شوي إلا واخذ القبيلي حصاه من الارض وقال بتبعد ولا هذي في راسك باداهيه هذا الي بغاه وكمى فهمتكم العبد قد درسه باداهيه وش يقول!!!!!!! يوم اخذ القبيلي الحجر ونوى بايرمي العبد به صاح العبد يافارحوه يافارحوه قاله وش معك يالخام قاله العبد ان رميتنا مصيه الناس بايقولون القبيلي رمى العبد وهذه عيبه في حقك تتجرى على عبد !! فكر القبيلي حصل كلام العبد مظبوط نوى القبلي انه بايسيبه وبيرمي الحصاه مكانها!!! فرح العبد مره ثانيه وقال يافارحوه ياغافلين قاله وش معك ياعبد السو رد العبد وقال وان رميت الحصاه مصيبتين بيقولو الناس خاف القبيلي من العبد وبتصير فضيحه عليك فكر القبيلي حصل كلام العبد برضه تمام وفي محله المهم وحل صاحبنا وهو ماسك الحجر لا هو الي رماها ولاهو الي رجبها العبد ونزل ايده لين مساوات خصره اي مكان ربط الحزام من شان ميحس العبد اوحد ثاني انه خاف منه وهو متردد يرميها مايرميها يرميها!!! شوي إلا وطلع له عبدالله سعيد وقاله سحلللها يالقبيلي كلام العبد سوى كله سمعته ضحك القبيلي وقال للشيخ انا داري انه كله من تحت راسك
وصار هذا مثل ليومنا هذا لوحد جاب غلطه على احد قاله سحللها كمى حصاة سليم

[الاحقاف]

المعذره ياجماعه اما سنت ولا قحش ترابه
ياكبرنا الخط مره ياخلينا صغير مره العفو منكم

[فارس قيدون]

تعجبنا اخي الاحقــاف قصص في غايــة الاتقــان والروعــة لزمن جميــل لرجـال عظمــاء رحمة الله عليهم وعزائنا أن زمنا خالي من مثــل هذه المواقف العفويــة .

[حسين أحمد عيسى]

ههههههههههههههههههههههههههههههههههههههه
هههههههههههههههههههههههههههههههه
هههههههههههههههههههههههه

والله نوااااااااادر جميييييييييله جدآ

يبغالنا كتيًب صغير لمثل هذه القصص للتوثيق

تشكر اخوي الاحقاف والله انك ابدعت

يسلموووووووووووو

[الاحقاف]

حياك الله اخ حسين نورت المنتدى بوجودك حياك الله

[عاشقة قيدون]

الشكر موصول لك اخي الاحقاف على هذا المجهود الرائع
فعلاً هذه ثروة ادبية ويجب ان نحافظ عليها
لك من كل الشكر والتقدير
ومنتظرين مواقف اخرى

[الاحقاف]

قصة اليوم عن عبد الله سعيد باقلعه وباقندوان
مثل اي شلة شباب كانوا او بنات كل واحد وله اصحابه الي يرتاحلهم واكثر مايكونوا مع بعض في يوم من الايام طلعت في راس باقندوان انه يعتزي بقبيلة البايضه الابيضي وكل ماحد عارضه وسأله من معي قال بوبيض معك قال باقلعه وبعد في الخام هذا شوفوه بيجيب لنا مصيبه اما لاكده في قيدون سهل لاكن المصيبه اذا حرجنا برع البلاد لابد من مقلب اسويه فيه اتفق عبدالله سعيد مع الجماعه على اساس انه بطل في خروج زيارة القطن من شان عنده عزا في الشروج ولازم يطلع ويقولوا لباقندون ان بادهيه خارج قيدون وبطل في الزيارة المهم اخذ الشيخ بندقه وتقدمهم الى موقع يسمى غدير الملب وغالب مايكون فيه قتل المهم الشيخ مكن نفسه والجماعه حارجيين الى الزياه وعلى راسهم والمقدم حقهم باقندوان وللعلم باقندوان مايخلي حد يتقدم عليه اول واحد هو والباقيين يتبعوه قالهم مله انا بوبيض والجماعه عليهم بالخير لين وصلوا غدير الملب هرا باقلعه اي دعا بصوت صيعري من الجماعه القادميين نحوه من معي يارجال وعمر البندقيه بصوت قوي قاله باقندوان معك بو بيض قاله هوذا الي نباه التقها يابو بيض شوي إلا وادرك باقندوان انه فيه خصام كان بين الجماعه وفك صوته يصيح ياقبيلي انا باطرزوان في طريزة انا باطرزوان في طريزه واغمي عليه كان قصدة يقول انا باقندوان في طريقه يوم سمع تعمير البندق ارتبك المهم رشوة بالماء وعليهم بالخير لين صحي وهو يقول باطرزوان في طريزه شوي الايشوف الشبخ عبدالله سعيد قاله وش جابك منته الا طلعت الشروج معك عزا قاله لاوالله مطلعت الشروج انا الي كنت خادعلك في غدير الملب ياباطرزوان وقال باقلعه بالله سرحنا الزيارة هيا تقدم قم يابو بيض قال لا والله معاد باخذ شبر اليوم شفتها موته مانا بوبيض انا باقندوان يافارحوه

ان شأ الله تعجبكم

[فارس قيدون]

هههههههههههههههههه

الله الله موتني من الضحك الله يديم علينا السعادة .

يعطيك العافية ،،

[شمس قيدون]

يا فارحووووووووووووووووووووووه ههههههههههههههههههههههههههههههه

[الاحقاف]

بعض الناس ربنا اعطاهم السرعه والبديهه في الكلام اليوم معي لكم قصة محمد باسكران وبايزيد في المكلا ...طبعا اول اهل دوعن خاصة لمى يطلعوا المكلا يكون مقصدهم عند شخص معين فمثلا اهل قيدون يقصدون اما دار البايزيد او دار البامكريد وبعد مايخلصوا احتياجاتهم يقدموا ثمن مدة مكوثهم عند صاحب الدار يعني مثل الفندق قبل ايام الفنادق ومحمد باسكران كان يقصد عند البايزيد إلا المره الاخيرة نزل عند البامكريد وبعد كم يوم شاف ولد البايزيد باسكران واستفسر منه عن سبب عدم مجيه اليهم فقاله انه مريض وماقدر يجي عندهم !! راح ولد البايزيد واخبر والده ان باسكران نازل عند البامكريد وانه مريض قال بايزيد ياولدي حكمت الزياره وراح مع ولده عند باسكران من شان الزياره لقو باسكران مغطى وعندة سخونه شوي حب بايزيد ان يداعب باسكران من شان يخفف عنه وقاله يابو حمد قد شي موت بك معنا جواب بغيناه للشيبه حقنا الله يرحمه قده قدامك وعلى طريقك!!!! رفع باسكران البطانيه من على راسه ورد بسرعة الجواب وقال !!!!!
يابايزيد طريقي ماهي على جهنم ! تعجب بايزيد وقال ماحد بيقدرلكم
ومن قصصه انه في يوم احد الاشخاص سأله ليش سموكم الباسكران انتم تسكرون او ايش ! رد عليه بسرعه وقاله نعم سمونا الباسكران لاننا نسكر في حب الله !!!

[الاحقاف]

ولا واحد رد ونا اتعب نفسي الضاهر بابطل طرح قصص طيب قولوا زينه قولوا عيفه
قولوا طحس قولوا ثقط قولا مثك صيده!!!!!!!!!!!!!!!!!!!!!!!!!!!!!
سالمين كل تمر

[شمس قيدون]

مين قال ماحد رد ماشفت ردي امس عادنا شفت حق باسكران ويايزيد استغفر الله تضحك وتخوف من التفاؤل السئ

[الاحقاف]

تسلمي شمس واسعدني مرورك بس امزح

[فارس قيدون]

ولا واحد رد ونا اتعب نفسي الضاهر بابطل طرح قصص طيب قولوا زينه قولوا عيفه
قولوا طحس قولوا ثقط قولا مثك صيده!!!!!!!!!!!!!!!!!!!!!!!!!!!!!
سالمين كل تمر


بدينا نضجر شف الكاتب واللي يكتب التاريخ لاينتظر الردود خلك من الهرفة ذه

وبعدين اشوف العمل بدأ يدحق ذهن هههههههه !!!

[أبو بدر]

هههههههههههههههههههه

الله يعطيك العافيه

تقبل مروري

[ابن قيدون البار]

يعطيك العافيه يا ( الاحقاف) بصراحه نشكرك على هذه القصص

وكثر الله خيرك

[سهم قيدون]

شـكــ وبارك الله فيك ـــرا لك ... لك مني أجمل تحية . والله قصص في قمة الروعة تسلم يدك الذي كتبت

[قيدوني اصل]

قصص روعة منتضرين الكثيرمنك

[محب قيدون]

حقيقه فصص رائعه وحكم وعبر من الاولين الله يرحمهم
فعلا كانت قلوبهم صافيه وانفسهم زينه
شكرا لك اخي الكريم
لازالت القصص كثيره لاتحرمنا المزيد
لك تحياتي

[محب قيدون]

من المعروف اول انهم يحنقون من الالقاب ولكن بنفس طيبه
قالو واحد مرمن اهل قيدون في طريقه على صبيخ حصلهم في زامل قال لهم هوكو معي قصيده بعدماهاكو قال قصيده يقول فيها
حرف الشين يشكي = وحرف الكاف يحكم
وحرف الواووالهاء = على الانصاف يقسم
عدت على الجماعه المتزملين وهم يزملون لماوصلو تحت الديار عند الكبار الي كانو جالسين ومنتظرين اهل الزامل سمعهم واحد وهم يرددون على قصيدة الرجال قال لهم اش قال الشاعر ردوعليه ماقاله صاحب قيدون جلس ميت من الضحك وقال تهجوها
حرف الش وحرف الكاف وحرف الواو وحرف الهاء ايش تصير تهجوها طلعت ((شكوه)) قال لهم من قال لكم هذه القصيده قالو واحد من قيدون عارضناه وراح
قال اهل قيدون مايقدر لهم الاربي
ههههههههههههههه

[الصرحة]

شكرا محب قيدون على حسن التعبير واعتقد ان الشخص الذي قابلهم من قيدون هو بن كزمة

[بادغشر]

الشخصات الفكاهيه دائما محبوبة و الناس تتبع اخبارها
و قد سمعت عن شخصية تسمى( المنكوب) من قيدون ارجو من الشباب الموجودين في البلاد
ان يسالوا الشيبان و يكتبوا لنا عبر المنتدى اذا وجدوا شئ
حيث ان الكثر منهم ضاعت قصصهم في صفحات التاريخ و لم يذكرهم احد....

[قيدوني]

هذي مشاركة مني
كان أهل بضة في زيارة لقيدون وعبروا لعند الكريف وحصلوا الشيخ عبدالله وجماعة من أهل قيدون على المطاف. قالوا حد بيسكت أهل قيدون؟قال واحد من أهل بضة لاه ماكم يأهل قيدون صفر؟ قال له الشيخ عبدالله نعم ياولدي مانا صفر. لأنه جانا سيل وحطينا ماه في الكريف وجا سيل ثاني ولقينا كما وحطينا ماه فوق نحن نشل من ماء السيل الثاني وماخلص وارتقن ماء السيل الأول. فهموها أهل بضة وقالوا ما حد يقدر على أهل قيدون.

البقل حنق أهل بضة
وما يرتقن الا البقل
ارتقن: صار لوه بين البني والأصفر

[ابو عبدالرحمن]

الله يعطيكم العافية وما قصرتم ونبي المزيد من هذه القصص الممتعة
والله ما دريت ان اهل قيدون دواهي الا من هذه القصص

[الاحقاف]

الشيخ عبود بن كزمه باطوق له هذه القصة وكثير يتوقعوها للشيخ بن حسن باداهيه حتى انا كنت اتوقعها لبن حسن حتى حصلت على شريط كاسيت لجدنا عبدالله بن سعيد باداهيه الملقب باقلعه ومثل مايروي القصة انها لباطوق
دايماً الشيخ عبود هو وعجوزه مايسدون لأنه ديماً يقول لها بتزوج فوقش وهي تقوله خذ اربع حتى هومن بترضابك.. وفي نفس اليومي طرح في باله خطة الزواج حضر شخص من اهل خديش ليشتري بقرة من الشيخ عبود
قاله الشيخ عبود البقرة ثمنها عشرة قروش فرانصة
ردصاحب خديش وقاله وقهوتي ياشيخ عبود والعجوز حقه كانت في (الهج) الفتحه الي فوق الحوش ( الوصر ) قاله قهوتك يامولى خديش قرش شلها بتسعه قروش !!!
نطت العجوز من الهج وهي تقول ليه ياقرش وانته قلتله بعشرة رد عليه الشيخ عبود وقاله بثمانيه
زاد صوت العجو ز حقه مسكينه ماتبغى البقرة تخرج من الدار قاله بسبعه يبغى يعادندها من شان ماتتعرض فرحت الحرمه شو ذى مغروم قاله بسبعه !!!
وان لك حض خلها تقعد مكانها في الهج من شان تشلها بلاش وانا والله عند كلمتي بس خلها تقعد الحرمه مسكينه شافته بيسويها وتعرفه مايرجع في كلامه سحبت نفسها من الطاقة
ولو كان جلست تناقرة فعلاً كان بترسي على الرجال ببلاش !!! المهم باع البقرة دعت منه العجوز حقه وين بغيت يالمهتوف الرجال يقولك بعشرة وتبيع بسبعه قروش قالها زين انش انقلعتي ولا بيشلها ببلاش قاتله ايوة وفين بغيت الحين !!!! الشيخ!! فين بغيت فين بغيت بغيت بتزوج باروح باجيب لي حرمه صغيرة ماذلحين القروش معي
خرج إلى الجزوع وهو في الحقيقه كان يمزح لايبغى الزواج ولاشي وفي طريقه لاقى شخص مع بنته اسمه بن هادون وكان قادم إلى قيدون لقرب موعد الزيارة وطلب من بن هيدون ان ينزل عنده البيت في ضيافته والبنت معاه بشرط انه اذا قرب من منطقة قيدون يقوم ويمسك خطام البعير الي تركب على ضهره البت على اساس انها العروس وباطوق يتقدم طبعاً بن هادون يعرف باطوق انه منكت ويعرفه عز المعرفه وافق بن هادون ودخل البلاد والناس تقول بن كزمه تزوج وجاب له بنت بنت خمس تعشرسنه يوم وصل عند الباب راح وجاب راس غنم وذبحه على مدخل الدار بقدم العروس الجديدة والعجوز حقه مسكينه مصدقه ومو مصدقه لاكن البنت فعلاً دخلت الدار معها ابوها والمسأله فيها ذبح على مدخل الدار وهذه كانت من العوايد وبعير وهودج المهم شلت نفسها العجوز من الباب الثاني على دار اهلها وباطوق تعشى هو وضيوفه وعليه بالخير وفي الصباح ودعهم بالبكره !!!
وخرج إلى موقع يسمى حوض حجوة تحت البلاد وجاب جذع حق نخل على طول الادمي ( جدر)
وطلع به الدار ولبسه العبايه ( الشقة والبرقع وطرحه في ركن الغرفه ) ثم ذهب الى زوجته ام عياله من شان يراضيها ومن عادات البلاد اذا احد تزوج على زوجته يروح بيت اهلها ويعطيها الرضوة الي متفين عليها وترجع دار زوجها المهم رجعت مع زوجها لين وصلوا الدار
قالها الشيخ عبود طيب عبري سلمي على العروس الجديدة !!! قالت له وباسلم عليها دخلت الغرفة شوي الا وهي تبكي وتهتف على الحرمه الجديدة لش ولش ياخبيثه من بدايتها انتي الخارجه ونا الداخله انا ام عياله ياضرة يابنت الضرة سمع الشيخ عبود الصوت طلع من الشارع بسرعه وش معش ياحرمه!! قاتله هذا جزاي عبرت باسلم عليها قحلتلي وتفلتلي ولا مدت يدها حتى تسلم علي متحكويه بنفسها وعاده سبتنا وسبت اهلي !!!!!!!!!
الشيخ عبود معاد تحمل وقالها قومي معي انا والله بارويش في الي تسب ام عيالي انتي الخير والبركه قومي معي قالت قم دخل الشيخ عبود مع زوجته وهو يضرب في الجذع شوي الا وطاح في الارض وبان المستور انه ماهو حرمه وهذا مجرد جدر نخله وهو يتبسم ويقول لها شوفي هذا الي سبك وسب اهلك وقحلش
العجوز مسكينه حرجت حرج شديد
والشيخ عبود يقولها هذا اذا قلت لش باتزوج قلتي خذ اربع هذا الا جدر وسوى فيش كذا

إن شأ الله عجبتكم بس...........

[فارس قيدون]

موقف عجيب ومضحك

يعطيك العافية ( الاحقاف )

[الاحقاف]

هلا فارسنا والحمد لله على السلامه الف شكر وماقصرت اسعدني مرورك الكريم
وان شأ الله جبت لنا صور من البلاد

[أبوعوف]

بسم الله الرحمن الرحيم

السلام عليكم ورحمة الله وبركاته

كل عام وانتم بخير وعيدكم مبارك

هناك الكثير من الأقوال والمواقف التي تدل على أن أهل قيدون متميزون أو كما يقال لايدخلون في الشرط أو ماحد يقدر لهم
يقال أن أحد ساكني حدراء (وحدراء هي المناطق والقرى باتجاه الشمال من وادي دوعن إلى نواحي الهجرين ومابعدها) إشترى بقرة من دوعن بعد ما قلبها (يعني كشف عليها من العيوب)وأشترط عليه البايع إذا وجد أي شخص في طريقه وأكتشف فيها عيب فهو في حل منها أي يستطيع إعادتها وأخذ القيمة التى دفعها ماعداء مولى قيدون (مولى يعنى أهل قيدون أو شخص من قيدون )فهو ماهو داخل في الشرط أى أن أهل قيدون لايدخلون في شرط البيع , المهم إنه إشترى وفي صباح اليوم التالي أخذ البقرة وسرح متوجه إلى بلاده وفي طريقه كلما عبر ببلاد طبعا يقابل من أهلها متوجهين لأعمالهم في الحجل (الحجل أماكن الزراعة) كلما مر بأحد قال له ماشاء الله كامله مكمله ياخير بقرة , عبربمحاذات قرى كثر حتى وصل رحبة دوعن أمام صيف وقيدون وحصن الجعافرة وإذا به يقابله في طريقه
واحد من هذه القرى :
السلام عليكم يرد عليه صاحب البقرة وعليكم السلام ورحمة الله وبركاته
ماشاء الله تبارك الله يا خير بقرة كامله مكمله بس فيها حاجه وحده
صاحبنا بدأ عنده الشك والهواجس , كيف يقول كامله !بس ايش الحاجه ؟
المهم صاحب البقرة يبغى يعرف أيش العيب الذي في البقرة ؟
سأل ياشيخ ! قول لي أيش العيب الذي فيها ؟
فقال له ياطم بقرة بس مسامعها واحد متقدم وواحد متأخر(المسامع يعني الأذنين)
صاحب البقرة إستدرك كلام البايع وقال له من هيين إنته ياشيخ ؟
قال له أنا من قيدون !!
قال صاحب البقرة خلاص انتم يا أهل قيدون ما إنتم داخلين في الشرط
ومن هنا جاء في القول الشايع ( ما حد يقدر لأهل قيدون أو ما يدخلون في الشرط )
ومن محاسن الصدف يقال أنه الشيخ باطوق بن كزمه هو الذي قابل صاحب البقرة
هذا ما سمعناه
دمتم بخير وعافيه
محبكم أبوعوف

[المرسال]

الله يعطيكم العافية جميعاًً شكر خاص لاخينا الاحقاف على الجهد المبذول وبانتظار المزيد

[ولدالقاطر]

الله يسعدك ياالاحقاف اسعتنا بلقصص الرائعه بارك الله فيك والله لين بكره بضحككككككك تقبل مروري واسفي وتحياتي واناشاء الله مترقبين كل جديدمن ايديك تحياتي

[المخلص]

هههههههههههههههههههههههههههههههههههههههههههه
شكــرا اخي الأحقاف على هذه المشاركات الجميله ونتمنى المزيد

[السيف]

شـكــ وبارك الله فيك ـــرا لك ... لك مني أجمل تحية .
شكرا ياالأحقاف قصص رائعه وهادفه وذكيه ولك الشكر لمجهودك الرائع واهل قيدون معروفين باالذكى والدهاء والناس اللي تغير منهم تفسره باالخبث وهذا غير صحيح لان حتى عند العرب دهاه كبار ولم يصفهم المؤرخون اتهم خبثاء بل دهاه.
وان سمعت مثل من واحد ليس من قيدون { ان الفسل من اهل قيدون جروا نمر } هذا الفسل تخيل كيف الذكي وهم اذكياء.
وحتى المشايخ الباداهيه اسمهم مشتق من الدهاء وهذا باالقاموس وليس المصيبه واكرر شكري للقصص الروعه.

[الاحقاف]

السلام عليكم ورحمة الله وبركاته
شـكــ وبارك الله فيك ـــرا لك ... لك مني أجمل تحية .

[الاحقاف]

هلا وغلا حياكم الله واسعدني مروركم هلا السيف ومشكور على الرد ومن ناحية اني اصف اهلي وناسي بالخبث لا وان فعلت اكون ناكر وجاحد للجميل في اهلي وناسي بس هناك اخي يمكن خطى في فهمك للموضوع
اليوم جايب لكم قصه عن الجلاجله وهي ثمرة شجرة تنبت عاده مع هطول الامطار ووقت حراثة الارض ومن نتايج هذه الثمره والكثير يعرفونها انها تجيب للي اكلها نوع من الغرام او الهلوسه ومايفسد مفعولها الا الروبه
كان عبدالله سعيد باداهيه ومعه مجموعه من اهل البلاد مجموعين على كريف البلاد ومن عادات بعض الشيبان انهم يقومون بسحق نوع من الحنضل مع قليل من السكر ويقومون باخذه معهم على الكريف ويتسلون عليه
وفي يوم من الايام مر عليهم جحنن شافه باداهيه قاله تعال خذ كلك شوي شفه بيعجبك اكل جحنن منه قال ذا والله شي تمام على كيفك قاله باداهيه ولايهمك بكره انا بازيدلك قرطاس خاص بأسمك راح بادهيه وعمل لجحنن قرطاس خاص وطرح فوقه شوية جلاجله وجابه ثاني يوم بعد العصر شوي الا وصل جحنن قاله تعال شفنا زودتلك خذ ذا لك انبصط جحنن مسكين ماهو داري ان الجماعه بغو بيضحكون اكل صاحبنا منه شوي الا وبدا مفعول الجلاجله الا وجحنن يفسخ ملابسه ويقولهم لكم بندق الساقيه ملانه شوفوه سيل مانا بنزل بتغسل وطمر اللا قاع الساقيه والساقيه اصلاً فاضيه ما فيها شي والجماعه يقولون له انتبه الحره بتشلك رجع يمين رجع يسار وهو مسكين يتبعهم به الجلاجله حتى شافوه انه بيتجرح من اثار القاع راح واحد وجاب روبه وسقاها اياه حتى طاب ورجع له حسه
وبعد كم يوم كان ختم في مسجد الشيخ سعيد ومن عوايد الختومات انه بعد الصلاة مباشره وبعد ختم القرآن يقومون بتقسيم الخمير والقهوه الي بالسكر وبينما المباشرين الي معاهم دلل القهوه قادمين دعا باداهيه على واحد منهم وقاله تعال هت الدله الى هنا وبدا يطلع شي من جيبه انتبه له صاحبه الي بجنبه قاله ايه تلقي يالمفضوح قاله سكت انته لاتشرب شي منها من شان ندرك على الجماعه ان صابهم شي قاله طيب قل سمعت كلامك وطعتك في ما قلته من فين بغيتنا نجيب روبه للناس ذه كلها والله لو جمعنا روبة اهل قيدون الي بالديار كلها ماكفتهم ضحك باداهيه قاله صدقت
قاله صاحبه بس بتخبرك اول ماجربت جربت في من ؟
قاله بغيت الصدق جربت في ديك معنا يوم اعطيته الجلاجله امانه خلته يصرخ وهو فار قلت خلنا اجرب في الجماعه
ان شا الله تعجبكم

[فارس قيدون]

بعد غيبه عدت وجبت شي من الماضي الجميل للشيبان اصحاب القلوب السليه

على فكره الاسم ( جليجله ) وهي نوع من انواع الخشخاش ( الحشيش ) والله اعلم .

[ولد العمودي]

شـكــ وبارك الله فيك ـــرا لك ... لك مني أجمل تحية .
تقبلو مروري

[عسول دوعن]

يعطيك العافيه اخوي الاحقاف
من جد والله قصص حلوووووووووووة
ومو حلوة وبس عاد فيها العبره



هذولا هم اهلنا واجدادنا
علم
فرح
حياه
مخوة
اخاء
تعاون
وكل شي
يعطيك العافيه اخوي الاحقاف
وتقبل مروري ومنتضرين منك كل مفيد

[الرشة]

السلام عليكم ورحمة الله وبركاته شـكــ وبارك الله فيك ـــرا لك ... لك مني أجمل تحية .

[الرشة]

بسم الله الرحمن الرحيم بسم الله الرحمن الرحيم شـكــ وبارك الله فيك ـــرا لك ... لك مني أجمل تحية .

[الرشة]

كفويالأحقاف وهات من المزيديابو...

[الاحقاف]

هلا بيك اختي الرشه بين اهلك وناسك وهلا وغلا بيكم الجميع وحياك الله اخي السيف على تذكير ي بالموضوع ولو ان الروايات عن القصص اختلفت لاكن اليك القصه الحقيقيه والفضل لك انك ذكرتني بمضمونها
القصة تبدا
ان الشيخ بن حسن كان جمال ونواب في نفس الوقت عنده نحل في بيته وفي يوم من الايام جاه واحد من اهل مصنعة صيف من ال عمودي وكان معه العبد حقه واسمه فرج وكان وقتها فيه عبيد مع الناس المقتدرين وقت العبوديه المهم زار بن حسن وبعدين قال العبد ياشيخ بغيت لي نوب اش رايك بتبيعلي واحد باجرب حضي قاله ابشر وباعله واحد ومرت على البلاد سنة جفاف ومات النوب حق العبد بالرغم ان نواب الناس اغلبها ماتت ومر الوقت وكان وقتها اجتماع نادى به العمودي والكثيري وكان الاجتماع في سدبه وينص على تحالف بين العمودي والكثيري وحضره مشايخ واعيان اهل دوعن من مشايخ وقبايل من ليمن وليسر ومن كل الوادي وكان الحوش الي فيه الاجتماع ماتحصل لك مكان من كثرة الناس بعد انتها المعاهده اهل المصنه يبغوا يحرجون بن حسن بادهيه ويبغوا يشوفوا رده كيف يكون
قبضو العبد وعبوه على بن حسن وقالوا له قم الحين والمكان ملان وقل للشيخ بن حسن ياشيخ انته غشيتنا
والرسول عليه الصلاة والسلام يقول من غشنا فلبسى منا/ عليه الصلاة والسلام
قام فرج خذ ماقاله سيده وقال ياسيد بن حسن ياسيد بن حسن وناس تتطالع كلهم فيه قاله نعم هومن هوذا فرج قاله نعم فرج انته غشيتنا ياسيد والرسول صلى الله عليه وسلم يقول من غشنا فليسى منا وانته اعطيتنا نوب والنوب مات يالشيخ
رد عليه بن حسن بسرعة وبن حسن معروف في سرعة الجواب عنده جواب مفحم
وقاله صدق محمد بن عبدالله عليه الصلاه والسلام
لاكن يافرج من قال انك انته مننا انته الاعبد عادك عند اهل صيف خلهم يحررونك وبعدين بتقع مننا
استغرب الناس من جواب بن حسن وجلسوا يضحكون والرد الي من بن حسن كان يقصده لاهل المصنعه بس عرفوا رده و قالو له ياخال ماحد بيقدر لك

[الاحقاف]

بسم الله الرحمن الرحيم
هلا وكيفكم كل ابوكم طيبين إن شا الله
اليوم معي لكم قصة حصلت بوادي ليسر بين ثلاثه من اهل قيدون وخالتهم العجوز وزوج خالتهم الي هو شكاك وخايف كان من اهل قيدون لانه هذاك الوقت كانت الناس مامعاها شي وان احد سرق شي على احد يسامحه بسرعه لانه كان وقت جوع والسرقه مش سرقة فلوس او غيره وفي الاول والاخير قصدهم الضحك وحتى لو ماعرف صاحب الشي المسروق جاه الذي اخذ الشي وقاله شفنا ذاك اليوم اخذت منك او شليت عليك كذا كذا ويسامحه ويقوله حلال عليك وبالعافيه صح مامعاهم شي بس قلوبهم قلوب تسامح وصفاء ومتكاتفين ولاشي اسمه حقد ان كنت تقدر ترد الوفاء رده بذكاء
المهم راحوا الثلاثه يزورون خالتهم بمنطقة صبيخ وجلسوا عندهم ونيتهم زينه ماكان قصدهم شي وفي الليل سمعوا زوج خالتهم يقول للعجوز حقه سمعي انتبهي من عيال ختك شوفي ذولا اهل قيدون وانتبهي يشلون الكبش علينا دخليه المعقاب وقفلي عليه والجماعه يسمعون الكلام قدامهم عيني عينك قالوا الجماعه هاه يعني احنا سرق في انفسم طبعاً صبر لاماوريناك اليوم اهل قيدون من هم محنا من قيدون وبعد ماناموا الشيبان والثلاثه قدهم متفقين وكل واحد عارف الدور الي بيسويه يعني مرستكه قدها لقو خطه عليها العمد قام واحد لاعند راس العجوز وقلد صوت الشيبه ويقول للعجوز هاه عساش مكنتي الكبش وقفلتي عليه وهي مسكينه في غزر نومها قالت له وهي مسهوره ايوه يابن الحلال قفلت ومكنت والقليد قده الا تحت راسي شفه ممكن تحت الوساده اخذ المفتاح ونزل واحد من الجماعه وفتح المعقاب حس الشيبه ونزل يجري معه قام الثاني جى دوره ولبس الشقه حق العجوز ونزل يعرج كماها وهو لابس الشقه ويقول اه معكم والشيبه يقولها اه معكم يالهده شوفي الجماعه بغو بيشلوا الكبش الا لحكتهم خذي مكنيه ونا باروح باشوف الي فوق عادهم والثالث فيهم قده برع الدار المهم اعطا الكبش العجوز ومستامن صاحبنا حاسب العجوز الي استلمت الكبش هي عجوزه طلع لقي العجوز نايمه صرخ فيها الا هومن الي اعطيتها الكبش ونزلت معي عساه ماهو انتي قالت ياوجه الخير انا متحركت من مكاني ولا نزلت ولاشي طالعت لقت الشقه حقها معاد هي موجوده قالت شفت شفهم هم الجماعه لبسوا الشقه حقي وفتكرته انه انا وجلست العجوز بتموت من الضحك وتقول والله عرفتكم انكم من ضهر فلان رقعتوا فيه والشيبه يقولها عادشي تشجعيهم قالت لا والله ماهو نيتهم لاكن من كلامك الي قلته بالليل حتى انا وقع بحالي بس مابغيت اتكلم قدامهم رقعوا في سلتومك من ماكل كلكلوله بالعافيه عليهم منازل العافيه يستاهلون

[القعقاع]

بارك الله فيك يالاحقاف وارجو المذيد من هذه القصص

[رومنسي قيدون]

مشكووووووووووووووووووووووور وزد من القصص

[سيف العدل]

مشكور على القصص وخاصه على الطرح الاكثر من رائع
تنقلنا القصه وكانا نحضرها على الواقع
فالف شكر ونرجوا منك الزيييييييد

[ولدالعفيف]

الاخ محب قيدون
بالنسبة للابيات التي قيلت في اهل صبيخ هي ليست لشخص من قيدون حسب ماسمعت وانما هي للشاعر الشيخ محمدسالم بادحمان العفيف رحمه الله والمناسبة هي ان اهل صبيخ كانوا ماشيين في طريقهم تحت الهجرين وشاهدوا الشيخ يحرث في ارضه وسلموا عليه وطلبوا منه زامل يتولهوا به في الطريق وكان مزاج الشيخ غير رايق فتعذر المره الاولى والثانية ولكنهم كافوا عليه فجادت فريحته بالزامل الذي ذدكرته

[همسه]

قصص اكثر من رائعه اتمنى تستمرو بالكتابه

[المليون]

مشكور على القصص